Мас жүргізушімен бетпе-бет соқтығысқан көлікте үш адам қаза тапты

Степногорск қаласында полициядан қашып кеткен мас жүргізушімен бетпе-бет соқтығысып, үш адам қаза тапты, деп хабарлайды Orda.kz.

«23 наурызда полиция қызметкерлері Степногорск қаласында жол қауіпсіздігін қамтамасыз ету кезінде заңға бағынбай, тоқтау туралы заң талаптарын орындамай, жүргізуді жалғастырған Toyota Land Cruiser жүргізушісін байқады. Артынша құқық бұзушы басқа көлікпен жол-көлік оқиғасына тап болып, бірақ оқиға орнынан кетіп қалып, азаматтардың өміріне қауіп төндірді» деп хабарлады жексенбі күні Ақмола облысының полиция департаментінің (ПД) баспасөз қызметі.

Полиция қылмыскерді ұстау үшін,  оны көлікпен қууына тура келді.

«Қазақстан Республикасының «Құқық қорғау қызметі туралы» Заңның 59-бабы, 61-бабына сәйкес көлік құралын мәжбүрлеп тоқтату үшін қызметтік қару қолданылған. 

Құқық бұзушы қозғалысын жалғастыра отырып, «Зауыт-Өнеркәсіптік аймақ» тас жолына шығып, «Ауди В4» автокөлігімен бетпе-бет соқтығысқан, оның ішінде жүргізуші мен екі жолаушы болған. Апат салдарынан үшеуі де оқиға орнында қаза тапты» деп толықтырды полиция департаментіндегілер.

Жол-көлік оқиғасы бойынша сотқа дейінгі тергеу басталды.

«Медициналық сараптама Toyota Land Cruiser жүргізушісінің мас болғанын көрсетті. Тергеу аясында сот-медициналық сараптама тағайындалды. Toyota Land Cruiser жүргізушісі ұсталып, уақытша ұстау изоляторына қамалды» деп хабарлады полицейлер