Лақап аты «Грудак»: Қырғызстанда ҰҚМК-ның тағы бір қызметкері ұсталды

Қырғызстанда Ұлттық қауіпсіздік мемлекеттік комитетінің 6-басқарма басшысы ұсталды. Ол «Грудак» деген лақап атпен танымал болған, деп хабарлайды Orda.kz 24.kg сайтына сілтеп. 

Бішкек қаласы бойынша ҰҚМК-ның 6-басқарма басшысын әскери прокуратура ұстаған. Күштік құрылымдар шенеунікті сыбайлас жемқорлыққа қатысы бар деген күдікпен ұстады.

Бішкектің Бірінші май аудандық соты күдіктіні 15 сәуірге дейін уақытша ұстау изоляторына қамау туралы шешім шығарды. Қазіргі уақытта тергеу жалғасып жатыр. Тергеу органдары басқармадағы өзге де тұлғаларды тексеруде. 

Ең қызығы, Қырғызстанда ұсталған жедел қызметкерлердің бәрінің дерлік лақап аттары бар. Олар — «Лизун», «Вазелин», «Пито», «Грудак». Арнайы қызмет төрағасының орынбасары Алишер Эрбаев ҰҚМК-да қызметкерлерге лақап ат берілмейтінін мәлімдеді.

Оқи отырыңыз:

• Қамшыбек Ташиевтің сыныптасы министрліктегі жылы орнын босатты
• Тоқаев Қырғызстан президентімен телефон арқылы ортақ ұстанымдарын нақтылады