«Қызылордадағы жыныстық құлдық»: Полиция тағы екі қылмыстық істі тергеп жатыр

Өткен жылы Қызылордада 16 жасар оқушы қызды сыныптастары жезөкшелікке мәжбүрлегені белгілі болды. Мектеп оқушысын жарты жыл бойы жыныстық құлдықта ұстаған. Осы жағдайға қатысты ІІМ тағы екі қылмыстық істі тергеп жатыр, деп хабарлайды Orda.kz. 

Бұл туралы Ішкі істер министрінің орынбасары Санжар Әділов мәлімдеді. Журналистер Әділовтен қызға қатысты зорлық-зомбылыққа тікелей қатысқан «келушілердің» ісі не болғанын сұрады.

Айта кетейік, өткен жылдың тамыз айында мектеп оқушысының анасы сыныптастары мен олардың туыстары қызын есірткі қолдануға мәжбүрлеп, күштеп ұстап, бопсалап, жезөкшелікпен айналысуға мәжбүрлегенін айтқан. Білім министрлігі психологиялық қолдау орталығының мамандары қызға көмек көрсететінін хабарлады. Барлығы 11 адам күдікті деп танылды, олардың бесеуі кәмелетке толмағандар.