Қызылордада полицияны басынған жасөспірімдер мен олардың ата-аналары жазаланды

Қызылордада полиция қызметкеріне оғаш қылық көрсетіп, бейнеге түсірген жасөспірімдердің ата-анасы жауапқа тартылды, деп хабарлайды Orda.kz.

Қызметкерлер таңғы 5:30-да тыныштықты бұзған жасөспірімдер жүрген аудандардың біріне барған. Осы құқықбұзушылық үшін жасөспірімдер ұсталды. Олардың барлығы әкімшілік жауапкершілікке тартылды. Соның ішінде заңды өкілдерінсіз жүргені үшін жазаланды.

«Олардың біріне қатысты билік өкілін қорлау дерегі бойынша қылмыстық іс қозғалды. Сондай-ақ кәмелетке толмаған баланы тәрбиелеу жөніндегі міндеттерді орындамағаны үшін жасөспірімдердің ата-аналары да жауапқа тартылды. Барлық материалдар бойынша тиісті шаралар қабылданады», – деп мәлімдеді өңірдегі полиция департаменті. 

Полиция департаменті жасына және лауазымына қарамастан, әрбір азамат үшін заңды сақтау міндетті екенін атап өтті. 

Еске сала кетейік, Алматы тауларында жоғалған ҚБТУ студентінің мүрдесі табылды.