Қызылордада екі полицей ұсталды

Қызылорда облысында екі полиция қызметкері парамен ұсталды.

Бұл туралы облыстық прокуратураның баспасөз қызметі хабарлады.

«Қызылорда облысы және Байқоңыр қаласы бойынша Ұлттық қауіпсіздік комитеті департаментінің мамандары сыбайлас жемқорлық қылмыс жасау фактісі бойынша Қармақшы ауданы полиция бөлімі көші-қон қызметінің қызметкері мен учаскелік полиция инспекторын ұстады» деп хабарлады ведомство.

Тергеу соты күдіктілерге қатысты «үй қамағына алу» түріндегі бұлтартпау шарасына санкция берген. Қазіргі уақытта қылмыстық іс Қармақшы аудандық сотына жіберілген.