Қызылқоға ауданында төтенше жағдай жарияланды

Атырау облысында су тасқынының алдын алу мақсатында құрылған арнайы штабтың шешімімен Қызылқоға ауданында төтенше жағдай жарияланды.

Қазіргі таңда Миялы ауылының тұрғындарын қауіпсіз жерге көшіру жұмыстары басталып кетті. Тұрғындар «Жаңа арна» мекемесінің жанына, аудан әкімдігі ғимараты мен «Арман» мәдениет үйінің алдына жиналып жатыр. Азаматтар арнайы көліктермен тасымалданады.

Ең алдымен әйелдер, балалар, науқастар мен I, II, III топтағы мүгедектер қоныстанады.

Х.Досмұхамедов атындағы мектеп, «Нұр-Шуақ» балабақшасы, Ы. Шореков атындағы мектеп-гимназиясы базасында азаматтарды қабылдау пункттері орналастырылған.