Қызға аяқ көтерген актер Асқар Жұмабек 10 тәулікке қамалды

Жанжал барысында қызға аяқ көтеріп, теуіп жібермекші болған актер Асқар Жұмабек ұсақ бұзақылық жасағаны үшін 10 тәулікке қамауға алынды, деп хабарлайды Orda.kz.      

Актерге қатысты айыптаулар, сондай-ақ видео, желіде бір күн бұрын тарады. Кадрларда ер адамның балағат сөздер айтып, модель Айнұр Нұрзиевамен ұрсысып, балағат сөз айтып, тиісіп жатқанын көруге болады.

Қыз оны ұрып-соғуға әрекет жасады деп мәлімдеді. Нәтижесінде іс сотта қаралды.

«Ер адамның агрессивті әрекеті бейнеленген видеоға байланысты Медеу ауданы полиция басқармасы тексеру жүргізді. Оқиғаға қатысқан барлық тұлғалар анықталды. Құқық бұзушы полиция бөліміне жеткізілді. Азамат А.-ға қатысты ұсақ бұзақылық фактісі бойынша әкімшілік іс қозғалды. Оның қызға қатысты қорқыту сипатында әрекет жасап, балағат сөздер айтып, ашық агрессия мен құрметсіздік танытқаны анықталды. Материалдар сотқа жолданып, сот шешімімен құқық бұзушы 10 тәулікке қамауға алынды», деп хабарлады Алматы қалалық ПД. 

Жанжалдан кейін актер өз парақшасында осы оқиғаға байланысты ойын білдірген болатын. Онда ол қызды ұратындай «жауыз емеспін» деген болатын.        

Еске салсақ, 2023 жылы ол төбелеске қатысқаны үшін 6,5 жылға сотталған. Кейін мерзімі қысқарып, айыппұлмен босап шыққан.

Оқи отырыңыз:

• Бұрын сотталған Асқар Жұмабек түсірілімде әріптесіне қол көтермек болған
• «Жауыз емеспін». Актер Асқар Жұмабек даулы оқиға туралы өз нұсқасын айтты
• Актер Асқар Жұмабек абақтыдан шықты