Қытайлық кәсіпкерді жетісулық алаяқтар сан соқтырып кетті

Жетісу облысы Панфилов ауданы Атамекен ауылының екі тұрғынының ұрланған 13 автокөлікті сатып жібергені белгілі болды, деп хабарлайды Orda.kz.

Осы алаяқтық схема арқылы ауылдың екі тұрғыны шамамен 315 миллион теңге пайда тапқан. Полицияның мәліметінше, алғашқы құрбандары Қытай азаматы болған.

«Бұл азаматқа олар алты автокөлікті Грузияға жеткізуге уәде еткен. Үшеуі Jetour және үшеуі Mercedes (C260, C260L және GLE 260) көліктерін алған. Алайда көліктерді иемденіп, Шымкент пен Жамбыл облысында таныстары арқылы сатып жіберген», – деді тәртіп сақшылары.

Кейін олар логистика саласындағы тағы бір кәсіпкерді алдаған. Ол Беларусь еліне көлік жеткізу үшін автотіркегіші бар жүргізушілерді іздеген, бірақ алаяқтарға алданып қалған. Нәтижесінде Range Rover, Mini Cooper SE, үш Li 7 және екі Li 9 көліктерінен айырылды. Бес қытай көлігі Жамбыл облысында, қалған екеуі Алматыда арзан бағамен сатылған.

Айта кетейік, бұған дейін біз алаяқтық жасаған діни қызметкердің ұсталғаны туралы жазған едік.