Қытайдағы Абай ескерткішіне көрсетілген құрмет Қазақ интернетін тәнті етті

Қазақстандық Мәулен Жанболатұлы Қытайда ұлы қазақ ойшылы Абай Құнанбайұлының ескерткішіне қандай зор құрметпен қарайтынын көрсетті, деп хабарлайды Orda.kz.       

Ол өзінің Instagram парақшасында 2014 жылы Бейжіңнің орталығындағы Чаоян саябағында орнатылған Абай Құнанбайұлы ескерткішінің видеосын жариялады. Бұл ескерткішті атақты қытай мүсіншісі Юань Сикунь өз бастамасымен жасап, жеке өзі орнатқан.

Видеода жас жігіттің ылғалды майлықпен ескерткішті мұқият сүртіп, әрі бұл жұмысын ерекше құрметпен жасап жатқаны көрінеді. Пікір қалдырғандар бұл жігіттің мақтауға лайық екенін атап, мақтап жатыр.

Өз сұхбатында қытай мүсіншісі Абай Құнанбайұлының поэзиясы әрқашан достық пен бейбітшіліктің символы екенін мойындайтынын айтқан.

Ол сонымен қатар Абай шығармашылығын құрметтейтін адамдардың ескерткішке гүл шоқтарын қойып, оның туындыларын оқып тұруы өзіне үлкен әсер қалдырғанын айтты.