Қырғызстанда халық жаңа жер кодексіне байланысты митингке шықты

Қырғызстан астанасында жаңа жер кодексіне байланысты наразылық акциясы өтіп жатыр. Қырғызстандықтар жаңа кодекс жеке меншіктің жоғалуына әкеледі деп қорқады, деп хабарлайды Orda.kz. 

Бүгін, 1 сәуір күні Бішкектегі Максим Горький атындағы саябақта митинг өтті. Наразылыққа қатысушылар жаңа жер кодексі ережелеріне наразылық білдірді. Акцияға 30-дан астам адам жиналды. Саябаққа жергілікті полиция келіп, қауіпсіздікті қамтамасыз етті. Кейбір қатысушылар азаматтардың мүдделерін қорғауға шақыратын ұрандары бар плакаттар ұстап шықты.

Жаңартылған кодекстің нормалары бойынша жер учаскелерін алу құқығы мемлекеттік аппарат өкілдеріне берілуі мүмкін. Жер учаскелерінің иелері олар жерді өтемақысыз мәжбүрлеп алып қоюы мүмкін деп санайды.

Митинг барысында жиналғандар Қырғызстан президенті Садыр Жапаровқа заңды бекітпеу туралы өтініш жазып, қол қойды. Бұған дейін мемлекет басшысы егер азаматтар тарапынан тиісті наразылық болатын болса, жер кодексін қайта қарайтынын айтқан еді.