Қырғызстан парламенті өзін-өзі таратты

Қырғызстан депутаттары парламенттің өзін-өзі тарату туралы қаулысын мақұлдады. Бұл бастаманы 89 депутаттың 84-і қолдап дауыс берді, деп хабарлайды Orda.kz. 

Жогорку Кенеш төрағасы Нұрланбек Тургунбекуулы Қырғызстанда алғаш рет парламент өзін-өзі тарату туралы шешім қабылдағанын атап өтті. Ол бұған дейін 1994 және 2007 жылдары парламент президенттердің жарлығымен, ал 2010 жылы уақытша үкіметтің шешімімен таратылғанын айтты. 

Нұрланбек Тұрғынбекуулу жаңа заң бойынша президент те, үкімет те, сыртқы күштер де Жогорку Кенешті тарата алмайтынын бөлек атап өтті. Бұл құқық тек парламенттің өзіне ғана тиесілі. Нұрланбек Тұрғынбекуулу Қырғызстанда президент пен парламентті сайлау мерзімдері сәйкес келуі мүмкін екенін, сондықтан депутаттар тобы парламентті мерзімінен бұрын таратуды ұсынғанын мәлімдеді. Қырғызстандағы парламент сайлауы 2026 жылдың қарашасында, ал президент сайлауы 2027 жылдың қаңтарында өтуі тиіс.

Айта кетейік, Қырғызстанның Жоғарғы кеңесі мемлекеттік әнұранның мәтіні мен музыкасының жаңа нұсқасын іріктеуді осы жылдың 1 қазанына дейін ұзартты.