Күмістен жасалған жаңа коллекциялық монеталар айналымға шығады

Қазақстан Ұлттық Банкі «Көшпенділердің ғибадат жануарлары – тотемдері» сериясының күмістен жасалынған AIÝ коллекциялық монеталарын айналысқа шығарады, деп хабарлайды Orda.kz.

Күмістен жасалған 1 000 теңгелік, сондай-ақ мельхиор қоспасынан жасалған 500 және 200 теңгелік AIÝ коллекциялық монеталарын 2024 жылғы 19 желтоқсаннан бастап қолжетімді болады. Ал номиналы 5 000 теңге болатын AIÝ коллекциялық монеталары 2024 жылғы 23 желтоқсаннан бастап сатуға шығарылады.

Коллекциялық монеталар өздерінің белгіленген құнына сай төлемдердің барлық түрі бойынша қабылдауға, сондай-ақ елдің барлық банкінде банк шоттарына есепке алуға, аударуға, ұсақтауға және айырбастауға жатады.