Қылмысты тыя алмаған Жамбыл ПД басшысы жылы орынын босатты

Жамбыл облыстық полиция департаментінің басшысы Бақытжан Малыбаев жұмыстан шығарылды, деп хабарлайды Orda.kz.

Дереккөздердің мәліметінше, бас полицейдің отставкаға кетуін президент әкімшілігі бақылауда ұстаған. Оның кетуі туралы сыбыс тамыз айынан бері тарап жүрген.

Жамбыл облысы полиция бастығының қызметтен кетуіне оның орынбасары Жайдарбек Құттыбаевтың ұсталғаны себеп болуы мүмкін. Ол алаяқтық жасады деп айыпталды. Сонымен қатар, Малыбаевтың тұсында қоғамдық тәртіп нашарлады. Мысалы, жол апаты, кісі өлтіру және зорлау саны күрт өсті, профилактика шаралары сәтсіз болды, тергеушілердің жұмысына шағымдар көп  түсті. Сонымен қатар, Малыбаев тергеліп жатқан орынбасары Құттыбаевты қолдаған, бұл да бас полицейдің беделіне нұқсан келтірді.

Облыста ПД басшылығының барлығы дерлік ІІМ инспекторлық тексеру қорытындысы бойынша жұмыстан шығарылғаннан кейін Малыбаев бір жыл бас полицей болды. Бақытжан Малыбаев бұл қызметінен бұрын ҚР ІІМ Көліктегі полиция департаментінің бастығы болған.

Ол 1969 жылы 23 шілдеде Жамбыл облысы Қордай ауданы Қызылтас ауылында дүниеге келген.

1995 жылы Қазақстан Республикасы ІІМ-нің Жамбыл арнайы орта милиция мектебін тәмамдаған. 1998 жылы Мемлекеттік тергеу комитетінің Қарағанды жоғары милиция мектебін, ал 1999 жылы Қазақстан Республикасы ІІМ Алматы заң институтын тәмамдаған.

Айта кетейік, 30 тамыз күні Жамбыл облыстық полиция депаратаментінің басшысының орынбасары ұсталды.