«Күйеуі Кореяға жұмысқа кеткен»: 34 жастағы әйел 5 баласымен тірідей жанып кетті

Қырғызстанның Ош қаласында қайғылы жағдай болды. Өрт салдарынан 34 жастағы әйел мен оның 13, 11, 9, 6 және 2 жастағы балалары қаза тапты, деп хабарлайды Orda.kz. 

ҚР ТЖМ баспасөз орталығының мәліметінше, кеше, 22 қазан күні таңғы 5:52 шамасында Орозбеков көшесіндегі тұрғын үйде өрт шыққаны туралы хабарлама келіп түскен. Өрт тұрғын үйдің жертөлесінде сағат 3:30 шамасында басталғаны белгілі болды. Алапат өрт қысқа уақыт ішінде шатырға дейін таралған. Өрт сағат 6:25-те оқшауланды. Үйден 34 жастағы әйел мен 5 баланың денесі табылды. 

Марқұм әйелдің күйеуі Оңтүстік Кореяға жұмысқа кеткен екен. Дереккөздердің мәліметінше, электр пеші салдарынан үй өртке оранған.

Айта кетейік, мұндай ауыр қаза Қазақстанда 4 маусым күні болған еді. БҚО-дағы Жымпиты деген ауылда 5 бала көмірқышқыл газына уланып, қайтыс болды.