Қуандық Бишімбаевтың ісі Жоғарғы сотқа түсті

Өзінің әйелін өлтірді деп сотталған ұлттық экономика экс-министрі Қуандық Бишімбаевтың ісі Жоғарғы сотқа жіберілді.

Сот хаттамалары істің судьяға 5 тамызда тағайындалғанын көрсетеді.

Бишімбаев өткен жылдың 9 қарашасында кісі өлтірді деген күдікпен ұсталған болатын. Маусым айында сот оны аса қатыгездікпен азаптап өлтіргені үшін кінәлі деп тауып, 24 жылға бас бостандығынан айырды. Шілде айында жазасын өтейтін орынға ауыстырылды.

Үкімді күшінде қалдырған апелляциялық сот алқасы шешімінен кейін адвокат Назкен Құсайынова сот үкімін заңсыз деп тауып, қайта шағымдануға ниетті екенін мәлімдеді.