Қуандық Бишімбаевты ұстаған екі полиция қызметкері жауапқа тартылды

Бұл туралы ақпаратты Ішкі істер министрлігінің баспасөз қызметі растады, деп хабарлайды Orda.kz порталы Тіл кеспек жоқ телеграм арнасына сілтеме жасап.

Астана патрульдік полиция полкінің инспекторына қызметтік тәртіпті бұзғаны үшін сөгіс жарияланған. 

Ол экс-министрді ұстаған кезде «Ол өзі мазаңды алған шығар?» деп сұраған. Осы әңгіме видеоға түсіп қалған. 

Бейнежазба сотта көрсетіліп, Астана полиция департаменті қызметтік тексеруді бастаған. Қызметкер қатаң сөгіс алды. 

Екінші қызметкер қоғамдық орынды ластағаны үшін жазаланды. Ол көшеде тұрғанда жерге түкірген.