Қостанайда өз әйелі мен ұлын өлтірген 51 жастағы ер адам тұтқындалды

Қостанай облысында полиция отбасы мүшелерін өлтірді деген күдікпен 51 жастағы ер адамды ұстады, деп хабарлайды Orda.kz.

Қостанай облысында полиция 51 жастағы ер адамды екі адамның өліміне қатысты күдікпен ұстады.

Облыстық полиция департаментінің баспасөз қызметі мәлімдегендей, отбасы мүшелеріне аса ауыр қылмыс жасаған күдікті ізін суытпай Әулиекөл ауданында қолға түсті.

«Күдікті өз айыбын мойындады. Қазір ол уақытша ұстау изоляторында. Бұл факті бойынша қылмыстық іс қозғалды, тергеу барлық мән-жайды мұқият тексеріп жатыр»,  деп мәлімдеді полиция.

Полиция өкілдері күдіктінің заңға сәйкес қатаң жауапкершілікке тартылатынын айтты.

Айта кетейік, бұған дейін Атырауда 61 жастағы ер адам әйелі опасыздық жасамаса да күдіктеніп, оны өлтіргені үшін 15 жылға бас бостандығынан айырылды.