«Колумбиядан келген қаралы хабар»: Жанбағу үшін шетел асқан қазақ қайтыс болды

Колумбияда қайығы аударылып қайтыс болған мигранттардың арасында Қазақстан азаматтары бар болып шықты.

Бұл туралы Barrons ақпараттық агенттігі хабарлады.

9 шілде де Кариб теңізі жағалауында 20 мигранттың қайығы аударылып, 4 адам із-түзсіз кетіп, 1 адам қаза болды, 15 адам құтқарылды.

Анықталғандай, отбасын асырау үшін Қазақстан азаматы Колумбияға жұмысқа кеткен. Жан бағу үшін шетел асқан қазақтың суреті мен туған туыстарын іздеген хабарламалар түрлі чаттарда тарады. 1978 жылы дүниеге келген азаматтың аты Қали Қабидолла екені анықталып отыр. 
  
Құтқарылған ересектердің арасында Колумбия, Эквадор, Иран, Никарагуа, Қазақстан және Венесуэла азаматтары бар. Құтқарылған екі бала Қазақстаннан, үшеуі Венесуэладан.

Құтқарушылар тікұшақтардың көмегімен жоғалғандарды іздеуді жалғастыруда.