Колумбиядағы екі лаңкестік шабуылдан 18 адам қаза тапты

Колумбияда болған екі лаңкестік шабуылдан 18 адам қаза тауып, 60-тан астамы жарақат алды, деп хабарлайды Orda.kz.

Елдің батысындағы Кали қаласында мина қойылған көлік жарылды. Оқиға салдарынан алты адам көз жұмып, ондаған тұрғын жарақаттанды. Қалада әскери жағдай енгізілді. Қала мэрі Алехандро Эдер ауыр жүк көліктерінің кіруіне уақытша тыйым салды.

21 тамызда Меделлин қаласының маңындағы ауылда тағы бір шабуыл жасалды. Дрон полиция тікұшағына соғылып, борттағы 12 офицер қаза тапты. Ел президенті Густаво Петро оқиғаға қатысты мәлімдеме жасады. Қорғаныс министрі Педро Санчес шабуылдарға «Мордиско» есірткі картелін айыптады.

«Мемлекет терроризмге көнбейді. Бұл қылмысты жасағандар заңмен қудаланады», – деді Педро Санчес.

Айта кетейік, UFC жұлдызы, америкалық файтер Шон Брэдидің тобы қазақстандық Шавкат Рахмоновтың әйелі мен баласының жол апатына ұшырағанын талқылады.