«Қолдаймыз»: Тоқаев «Орталық Азия – Еуропа Одағы» саммитінде Украина жайлы не деді?

Қасым-Жомарт Тоқаев Самарқанда өтіп жатқан бүгінгі саммитте Украина жайлы пікір білдірді, деп хабарлайды Orda.kz.

Мемлекет басшысы өз сөзінде екі ел арасындағы келіссөздерді қолдайтынын мәлімдеді.

«Қазақстан жанжалдарды бейбіт жолмен шешуді үнемі қолдайды, сондықтан Украина бойынша келіссөздердің басталуын құптаймыз, мәселенің күрделілігін толық түсінсек те, тиімді нәтиже болады деп үміттенеміз», – деді ол.

Айта кетейік, президент «Орталық Азия – Еуропа Одағы» саммиті мен «Жаһандық климат сын-қатерлеріне қатысты Орталық Азия» халықаралық конференциясына қатысу үшін Самарқандағы Конгресс-орталыққа келген болатын.

Еске сала кетсек, Қазақстан  жеңістің 80 жылдығына қызу дайындықты бастап кетті,  бұған дейін жеңістің 80 жылдығына арналған шеруге 2,5 млрд теңге жұмсалатыны айтылды. 

Сонымен қатар, Orda.kz Ресей президенті Владимир Путин «Казахстанская правда» газетіне берген сұхбатында Қасым-Жомарт Тоқаев пен қазақстандық достарын Ұлы Отан соғысының жеңістің 80 жылдығына арналған мерекеге шақырғаны жайлы жазды. Ал Astana Think Tank форумының қорытынды отырысында Тоқаев «Ресейдің Украинадағы соғыста жеңілмейтінін» айтқан болатын.