Келесі жылы зейнетақы мен жәрдемақы өседі

Азаматтардың жасына және еңбек өтіліне қарай зейнетақы 8,5%-ға артады, деп хабарлайды Orda.kz.

Ал базалық зейнетақы күнкөріс деңгейінің төменгі шегіне қарай өзгереді. Мәселен, ең төменгі зейнетақы – 95 131 теңге, ал ең жоғарғы зейнетақы көлемі – 213 046 теңге болады. 

2025 жылдан бастап жұмыс берушілердің міндетті зейнетақы жарнасына төлейтін қаражаты 2,5 процентке ұлғаяды. Тиісінше, салық мөлшері де өседі.

Зейнет жасындағы қызметкерлер 1 және 2 топтағы мүгедектіктері бар азаматтар, әскери қызметкерлер және 1975 жылдың 1 қаңтарына дейін туған азаматтар салықтан босатылады.

Сонымен қатар арнайы мемлекеттік жәрдемақыларды, бала тууына байланысты бір жолғы және бала бір жарым жасқа толғанға дейін бала күтіміне тағайындалатын мемлекеттік жәрдемақыларды, наградталған аналарға, көпбалалы отбасыларға төленетін мелекеттік жәрдемақыны төлеу кезінде 3692 теңге мөлшеріндегі айлық есептік көрсеткіш қолданылатын болады. Яғни жәрдемақы 7%-ға өседі.