«Қазатомөнеркәсіптің» соңғы мәлімдемесі шетелдік уран компанияларына «май шелпек» болды

«Қазатомөнеркәсіп» компаниясы өндірісті қысқарту туралы жариялағаннан кейін шетелдік уран өндіруші компаниялардың акциялары күрт қымбаттай түсті.

Бұл туралды Orda.kz хабарлады.

Mining News 26 тамыз таңертең Австралия қор биржасында сатылатын уран компанияларының акциялары қымбаттап жатқанын жазды. Солтүстік Америка компанияларына күтпеген пайда «Қазатомөнеркәсіптен» келді. 

 BNN Bloomberg мәліметіне сүйенсек, өткен аптаның соңында әлемдік уран нарығында тағы бір дүрбелең «Қазатомөнеркәсіптің» 2025 жылы 25 мыңнан 26,5 мың тоннаға дейін уран өндіруді жоспарлап отырғанын мәлімдегеннен кейін басталды. Бұл 2024 жылмен салыстырғанда көбірек болғанымен, компания нарық үмітін ақтамады. Жоспарланған көрсеткіштер компанияның бұрынғы міндеттемелерінен әлдеқайда төмен.

«Қазатомөнеркәсіптің» бұл мәлімдемесі әлемдік қандай уран өндірушілерге «май шелпек» болғанына тоқталайық. Канадалық уран өндіруші Cameco Corp компаниясының акциялары бір күнде 6,8%-ға өсті, NexGen Energy Ltd акциялары 11%-ға, Denison Mines акциялары 16%-ға қымбаттады. Segra Capital Management негізін қалаушы Адам Родманның болжамы бойынша, «Қазатомөнеркәсіптің» әрекеттері бүкіл әлемде уран өндірудің ұзақ мерзімді төмендеуіне әкеледі. Родманның айтуынша, қазақстандық компанияда күкірт қышқылын жеткізу мәселелері әлі де сақталып отыр, сондықтан өндірісті тиісті деңгейде қолдауға мүмкіндігі жоқ.

«Қазатомөнеркәсіптің» әрекеттерінен Австралиядағы уран кен орындарын игеретін компаниялары да уран қоры бойынша Қазақстаннан озып тұр. Бұл ел нарықта Қазақстанның басты табиғи бәсекелесі ретінде саналдады.

Осылайша әлемдік уран өндіретін компанияларға бір сәтте «май шелпек» болған «Қазатомөнеркәсіптің  әрекеттері әлемдік нарықта уран тапшылығына әкеледі екен. Себебі атом электр станцияларына арналған отын өндірілетін металға сұраныс артып келеді. Жалғыз Қытайдың өзі 11 жаңа ядролық реактордың құрылысын мақұлдаған болатын.