Қазақстанның кей өңірлерінде 25 градусқа дейін күн суытады

Қазгидромет 7, 8 және 9 наурызға арналған ауа райы болжамын жариялады, деп хабарлайды Orda.kz.

Болжамға сәйкес, елімізде мереке күндері ауа райы тұрақсыз болады. Бұл наурыз айына тән құбылыс. Циклон мен атмосфералық фронттардың әсерінен елдің көп бөлігінде жаңбыр мен қар түріндегі жауын-шашын жауады.

Солтүстік пен солтүстік-батыста қатты жауын-шашын болуы мүмкін. Ал оңтүстік өңірлерде нөсер жаңбыр жауады. Республика бойынша жел күшейіп, көктайғақ, тұман болады.

Соңғы күндері ауа температурасы айтарлықтай көтерілгенімен, арктикалық суық ауа қайта тарайды.

Метеорологтардың мәліметінше:

•  • Батыста түнде 5–15 градус аяз болады.
•  • Солтүстік-батыс пен қиыр солтүстікте 15–25 градусқа дейін аяз күтіледі.

Ал оңтүстік пен шығыста ауа температурасы керісінше жоғарылап, көктемнің жылы лебі сезіле бастайды. Синоптиктердің айтуынша, 11 наурыздан бастап елдің орталығы мен шығысында да температура төмендейді.

Оқи отырыңыз:

• Ескі үлгідегі 10 мың теңгелік банкноттар айналымда тағы бір жыл болады
• Израильде зымыран шабуылы кезінде видео түсірген Өзбекстан азаматы полиция назарына ілікті
• Астана қаласы сотының төрағасы болып Айдар Смағұлов тағайындалды