Қазақстандықтар қай елдерге төлқұжатсыз бара алады

Кей елдерге қазақстандықтар визасыз ғана емес, тіпті шетелдік төлқұжатсыз да бара алады, деп хабарлайды Orda.kz.

2025 жылдың басында Қазақстан азаматтары 41 мемлекетке, сондай-ақ Қытай құрамына кіретін ерекше мәртебесі бар екі аумаққа – Макао мен Гонконгқа визасыз кіре алады.

Визасыз режим қазақстандықтарға саяхаттау үшін төлқұжат қажет емес дегенді білдірмейтінін есте ұстаған жөн. Мысалы, 2022 жылдың 1 сәуірінен бастап Кореяға кіру үшін электронды кіру рұқсаты (K-ETA) жүйесі жұмыс істейді, оны алдын ала алу қажет. Намибияға кірген кезде виза автоматты түрде беріледі.

Сонымен қатар Қазақстан азаматтары жеке куәлігімен кіре алатын елдер де  бар.

Ресей Қазақстан азаматтарына әуе арқылы да, құрлықтағы өткізу пункттері арқылы да тегін және шектеусіз кіруге рұқсат беретін елдердің бірі.

Кіру үшін кәмелетке толған адамдардың ұлттық төлқұжаты немесе Қазақстан Республикасы азаматының жеке куәлігі, 16 жасқа дейінгі балалар үшін – туу туралы куәлік немесе ұлттық төлқұжат болса жеткілікті.

Ресейге 30 күнтізбелік күннен аспайтын мерзімге уақытша келген Қазақстан азаматтары тіркеуден босатылады. Егер Қазақстан азаматы Ресей аумағында 30 күнтізбелік күннен астам (90 күнтізбелік күнге дейін) болса, Ресей Федерациясы Ішкі істер министрлігі Ішкі істер департаментінің аумақтық органдарында тіркелу (болатын жері бойынша) қажет.

Қырғызстан да Қазақстан азаматтарының келуіне және тұруына мүмкіндік береді, бірақ елде болу ұзақтығы әр 180 күн сайын барлығы 90 күннен аспауы керек. Бұл ретте ересектерге шекарадан өту үшін тек жеке куәлік, 16 жасқа толмаған балалар шекарадан өту үшін шетелдік төлқұжат қажет.

Түрікменстан Қазақстан Үкіметі мен Түрікменстан Үкіметі арасындағы «Азаматтардың өзара сапарлары туралы» қолданыстағы келісімге сәйкес, Атырау және Маңғыстау облыстарында тұрақты тұратын Қазақстан азаматтарына кіру мүмкіндігін береді. Түркіменстанның Балқан уәлияты аумағында ұлттық төлқұжаттарды пайдалана отырып, Қазақстан Республикасы азаматының көрсетілген облыстарда тұрғылықты жерін растайтын жеке куәлігі бар визасыз 5 күннен аспайтын мерзімге сапарға шығуға және уақытша тұруға болады.

Осылайша, қазақстандықтарға өз аумағына төлқұжатсыз кіруге және тұруға екі ел ғана мүмкіндік береді.

Сонымен бірге, Сыртқы істер министрлігі өкілдері мен Өзбекстан президентінің ақпаратына сәйкес, екі ел азаматтарының жеке куәлік арқылы шекарадан өтуіне рұқсат беру бойынша келіссөздер жүргізілуде.

2023 жылдың 1 қыркүйегінен бастап Өзбекстан мен Қырғызстан арасында осындай келісім күшіне енген.

Ұлттық қауіпсіздік комитеті Шекара қызметінің ресми мәліметі бойынша, қазақстандықтар Ресей мен Қырғызстанға ғана жеке куәлік арқылы кіре алады. Өзбекстанмен бұндай келісімдер жүргізіліп жатыр.