Қазақстандықтар Ираннан Әзірбайжан арқылы эвакуацияланды

Біздің еліміздің алты азаматы Ираннан Әзірбайжан шекарасындағы «Астара» өткізу пункті арқылы өтті, деп хабарлайды Orda.kz  Report агенттігінің  оңтүстік бюросына сілтеме жасап.

«Олар үшін медициналық қызмет көрсетуді қоса алғанда барлық қажетті жағдай жасалды. Қалағандар шекара бекетінде таңғы ас іше алды» деп жазады басылым. 

Эвакуациялау процесі жалғасуда.

Бірқатар шетел мемлекеттері Әзірбайжанға өз азаматтарын Ираннан еліне қайтару үшін ел аумағы арқылы эвакуациялауға көмек көрсету туралы өтініш білдірді.

Әзірбайжан гуманизм қағидаттарын басшылыққа ала отырып, эвакуацияланғандардың шекаралық өткізу пункттері арқылы өтуі үшін қажетті жағдай жасады.

Таяу Шығыстағы қақтығыс туралы толығырақ мына жерден оқи аласыз.