Қазақстандағы гранттар саны қысқаратыны рас па?

ҚР ғылым және жоғары білім министрі Саясат Нұрбек Еңбек күніне арналған форум аясында Қазақстанда гранттар санын қысқартуға болатынын айтты.

Журналистер бұл мәселе туралы «Қазақстанда 2037 жылдан бастап гранттар беру тоқтатылатыны рас па?» деп сұрады.

«Бұл отбасыларға баласына 5 жастан бастап біртіндеп ақша жинауға мүмкіндік береді. Сонымен қатар, біздің мемлекет сақтандыру және жинақ компанияларынан төлем жүргізетін болады. Бұл жоғары білімге қолжетімділікті сақтау үшін жоспарланған шара. Өйткені, ақша 15 -20 жастан бастап біртіндеп жиналады. Бала 17-18 жасқа келгенде 12,5 млн.теңге жиналады. Қазір барлық есептерді жасап жатырмыз. Яғни, бала жоғары оқу орнына түскенде отбасында кепілдендірілген жинақ болады. Сондықтан бұл бір күнде бола салатын жағдай емес. Гранттар саны азаюы мүмкін. Бірақ грантқа мемлекеттік тапсырыс сақталады. Бұл біздің мемлекетіміздің басты қызметі», - деп түйіндеді  министр. 

1 қыркүйекте Мемлекет басшысы Қасым-Жомарт Тоқаев «Келешек» Бірыңғай ерікті жинақтау жүйесін енгізуді тапсырған болатын.