Қазақстанда ЖИ бар "ақылды" камералар пайда болды

Қазақстанда жасанды интеллект көмегімен камералар арқылы адамдарды, тіпті жасы мен сыртқы түрінің өзгеруін ескере отырып табуға болады. Бұл туралы еліміздің Бас прокуроры Берік Асылов Х әлеуметтік желісінде айтты.

"Бас прокуратура сот төрелігінен жасырынған адамдарды іздестіруді қадағалауды күшейтті. Биыл адамдар көп жиналатын жерлерде бейнебақылау камераларын мониторингтеу арқылы 53 қашқынды танып, ұстау шаралары қабылданды" деп жазды Асылов.

Тамыз айынан бастап прокурорлар Алматы мен Атырау қалаларындағы бейнебақылау камераларына қашқын қылмыскерлерді, борышкерлерді және хабар-ошарсыз кеткендерді автоматты түрде тану бойынша жасанды интеллект элементтерімен өздерінің IT-әзірлемелерін қосты. Екі күн ішінде олар тергеуден жасырынған екі адамды, сондай-ақ жоғалған екі адамды анықтай алды.

Асылов барлық өңірлердегі прокурорларға осы жүйені енгізуді тапсырды. Қазір елде 9000-нан астам адам іздеуде.