Қазақстанда енді жаназада қара су мен палау ғана беріледі – мүфтият

Қазақстан мұсылмандары діни басқармасы жаназа асындағы ысырапты азайту үшін жаңа стандартты мәзір енгізді, деп хабарлайды Orda.kz.

Басқарманың айтуынша, дастарқанға түрлі тағамдарды, торттарды, жеміс-жидектер мен тәттілерді көптеп қою дәстүрдің мәнін өзгертіп, қаралы үйге қосымша шығын жүктейді.

ҚМДБ бекіткен негізгі мәзірге баурсақ пен шелпек, шай мен су, сондай-ақ ет немесе палау кіреді. Қосымша ретінде сары май, тары-талқан, қант пен кәмпит қоюға болады. Ал салаттар, торттар, бәліштер, жеміс-жидек және басқа да өнімдер міндетті тізімге кірмейді және ұсынылмайды.