Қазақстанда 1 қыркүйектен бастап шәкіртақы мөлшері өседі

Премьер-министр Олжас Бектенов 2024 жылдың 1 қыркүйегінен бастап колледждер мен ЖОО студенттеріне арналған шәкіртақыны арттыру туралы қаулыға қол қойды.

Бұл туралы Үкімет басшысының баспасөз қызметі хабарлайды.

• Колледж студенттерінің шәкіртақысы 50 пайызға артып, көк халаттылар үшін 43 574 теңге, орта буын мамандары үшін 41 896 теңге болды.
• Бакалавриат студенттерінің шәкіртақысы 20%-ға 47 135 теңгеге дейін, ал педагогикалық және медициналық бағыттағылар үшін 75 600 теңгеге дейін өседі.
• Интерндер 85 376 теңге, резиденттер 123 122 теңге алады.
• Магистранттар мен докторанттар 15%-ға өсім алады: сәйкесінше 107 061 теңге және 240 000 теңгеге дейін.