Қазақстан және ҰҚШҰ: жақын болашаққа арналған жоспарлар

Қазақстан Республикасы Премьер-Министрінің орынбасары – Сыртқы істер министрі Мұрат Нұртілеу мен Ұжымдық қауіпсіздік шарты ұйымының Бас хатшысы Иманғали Тасмағамбетов кездесті, деп хабарлайды Orda.kz.

Тараптар Қазақстанның 2024 жылы ҰҚШҰ-ға төрағалығы аясында елімізде жоспарланған іс-шаралар туралы пікір алмасты.

2024 жылғы маусымға жоспарланған ҰҚШҰ Сыртқы істер министрлері кеңесінің алдағы отырысының бірқатар ұйымдастырушылық мәселелерін қарауға ерекше назар аударылды.

Кездесу барысында Ұйым аясындағы ынтымақтастықтың негізгі бағыттары бойынша, соның ішінде саяси өзара іс-қимылды дамыту және сын-қатерлер мен қауіп-қатерлерге қарсы тұру мәселелерінің кең ауқымы талқыланды.

Өздеріңізге белгілі болғандай, 2024 жылдың 1 қаңтарынан бастап ҰҚШҰ-ға төрағалық Қазақстан Республикасына өтті.

ҰҚШҰ 2002 жылы құрылған және оған Қазақстанмен қатар Армения, Беларусь, Қырғызстан, Ресей және Тәжікстан кіретін халықаралық аймақтық ұйым.