Қазақстан тағы да Ресейден үлкен арақ импорттаушы елге айналды

Қазақстан Ресейден импортталатын арақ көлемі бойынша көш бастап тұр. 2023 жылдың аяғында Ресейде өндірілген арақтың жартысына жуығын Қазақстан сатып алған.

Бұл туралы Ресейдің мемлекеттік РИА Новости ақпарат агенттігі статистикалық мәліметтерге сілтеме жасай отырып хабарлады. Жалпы алғанда, 2023 жылы Ресей  59,7 миллион долларлық арақты шетелге сатқан. Осы көлемнің 46,7 пайызы, яғни 27,9 миллион доллары Қазақстанға экспортталды.

Қазақстан ресейлік арақтың негізгі импортшысы болып қала береді – 2022 жылы Қазақстан Республикасы Ресей Федерациясынан алкогольдік сусын сатып алу көлемі бойынша да бірінші орынға шықты. Бірақ елге арақ жеткізу 2022 жылмен салыстырғанда ақшалай түрде 26%-ға азайған.

Ресейлік арақ импорты бойынша Израиль екінші орында, Армения, Грузия және Әзірбайжан үшінші орында.

Бұған дейін қазақстандықтардың күшті алкогольді ішімдіктерді көбірек қабылдай бастағаны белгілі болған. 2023 жылдың бірінші жартыжылдығында арақ сату 29,4%-ға өсті. Бұл ретте Қазақстанда арақ өндірісі 13,4%-ға төмендеп, оның бағасы бір жыл ішінде 5,7%-ға қымбаттады.

Араққа деген сұраныс Қазақстандағы басқа алкогольді сусындардың әлдеқайда жылдам қымбаттауымен байланысты болуы мүмкін: шарап 11,5%-ға, сыра 18%-ға қымбаттады.