Қазақстан колледждерінде атом электр станциясына мамандар дайындалады

Қазақстанда АЭС құрылысы қарсаңында отандық колледждер базасында мамандарды даярлау үшін оқу орындары құрылады, деп хабарлайды Orda.kz.

Энергетика министрі Алмасадам Сәтқалиев елімізде кадр даярлауды 40 жоғары оқу орны мен 215 колледж жүзеге асырады, онда жеті мамандық бойынша 19 мыңға жуық студент оқиды деп мәлімдеді. Алайда, жаңа электр генерациялау нысандарының құрылысын ескере отырып, 2030 жылға дейін сұранысқа ие мамандықтардың саны 20 мыңнан асады деп болжануда.

«Отандық колледждер базасында АЭС құрылысын қолдау мақсатында АЭС маманын даярлау үшін жаңа кәсіп ашылады: дозиметрист, паротурбиналық жабдық жөндеу слесары, атом станцияларында механикалық жабдықтарға қызмет көрсету және жөндеу маманы, атом станцияларында ақпараттық технологиялар саласындағы маман және басқалары. Электротехникалық колледждермен тығыз ынтымақтастықты ведомстволық ұйымдар – Ұлттық ядролық орталық және ядролық физика институты жүзеге асырады, олар колледж студенттерінің ядролық мамандықтар бойынша өндірістік тәжірибелерін өткізуге арналған база ұсынады»деді Сәтқалиев Үкімет отырысында.  

2030 жылға қарай Қазақстанда атом электр станциясын салу жобасы бойынша бес мыңға жуық адам, ал 2032 жылы құрылыс кезінде 10 мыңға жуық адам жұмыспен қамтылады.