Қазақстан футбол құрамасы тағы да ұтылды: есеп 2:0

Қазақстан футбол құрамасының Австриямен матчы 0:2 есебімен аяқталды, деп хабарлайды Orda.kz.

Австрияға қарсы ойын Қазақстан үшін Ұлттар лигасының В тобындағы бесінші матч болды. Біздің құрама осы уақытқа дейін бірде-бір гол соға алмады. Жанкүйерлердің бұл жолғы күткен голы тағы да соғылмады. Қазақстан құрамасы бірінші голды 15-минутта жіберді. Голды Кристиан Баумгартнер соқты.

Бұған дейін 4:0 есебімен жеңілген болатын. Бұл ойында құрама ойыншылары Нұрәлі Әліп пен Ислам Чесноков сары қағаздың көптігіне байланысты алаңға шықпады.

Соңғы кездері ұлттық құраманың ойыны ауыз толтырып айтарлықтай нәтиже көрсетпегенін бәріміз байқап жүрміз. Қазақстандықтардың қазақ тілін мазақ еткен құрама жаттықтырушысы Черчесовке  де, құрама ойыншыларына да көңілі толмайды.

Айта кетейік, жақында федерация президенті Әділет Барманқұлов өз еркімен қызметінен кеткен болатын.