Қазақстан да бар: Трамп 185 елге баж салығын енгізді

АҚШ президенті Дональд Трамп 185 елге баж салығын енгізді. Тізімде Қазақстан да бар, деп хабарлайды Orda.kz. 

Ақ үй басшысы мұндай қатаң шаралар қабылдайтынын 2 ай бұрын айтты. Енді жарлыққа қол қойды. Трамп енгізген 10%-дық баж салығы шетелден әкелінетін барлық тауарға қойылады. Кейбір елдерден тіпті әлдеқайда жоғары баға қойылған. Мәселен Қытайдан жеткізілетін тауарларға 34% салық салынды. Сонымен қатар Трамп Қазақстанға 27, Үндістанға 26, Жапонияға 24, Еуроодаққа 20, Израиль 17 және қалған елдерге 10 пайыздан салық салды.

Трамп ұсынған тізімде Ресей көрсетілмеген. Ақ үй басшысы бұл Америкада бұрын-соңды болмаған маңызды күн екенін мәлімдеп, тарифтердің мөлшерін көпшілікке кестеден көрсетті. 

Еске салайық, өнеркәсіп және құрылыс министрі Қанат Шарлапаев Қазақстанда сирек кездесетін металдардың ірі кен орны табылғанын мәлімдеді.