Қазақстан «Авраам келісіміне» қосылады

Қазақстан «Авраам келісіміне» қосылмақ. Осылайша Қазақстан Трамптың ел тізгінін ұстаған екінші мерзімінде «Авраам» («Ибраһим») келісімдеріне қосылған алғашқы ел болады, деп хабарлайды Orda.kz. 

Ақ үйдегілер Қазақстанның келісімге қосылуы Газа секторындағы соғыстан кейін Израильді халықаралық қолдауды қалпына келтіру бағытындағы алғашқы қадам болатынын атап өтті. 

«Авраам келісімі» — 2020 жылы басталған тарихи дипломатиялық бастама. Ол Израиль мен бірнеше араб елдері (БАӘ, Бахрейн, Марокко, Судан) арасындағы бейбіт қатынастарды орнатуға бағытталған.

Бұл келісімнің мақсаты — Таяу Шығыстағы елдер арасындағы соғысты тоқтатып, экономикалық және саяси ынтымақтастық орнату. Яғни, бұрын Израильмен қарым-қатынасы болмаған араб елдері онымен ресми байланыс орнатты: елшілік ашты, сауда, туризм, технология салаларында әріптестік басталды. Келісім «Авраам» деп аталған. Өйткені Авраам (Ибраһим) — үш діннің (иудаизм, христиан діні және ислам) ортақ пайғамбары. Бұл атау бейбітшілік пен дінаралық түсіністі білдіреді.

Айта кету керек, Палестина мәселесіне келгенде бұл келісім сынға ұшырады. Себебі ол Палестинаның тәуелсіздік мәселесін шешпей, Израильдің аймақтық позициясын күшейтті. Яғни, көпшілік мұны Израильдің дипломатиялық жеңісі деп бағалады.

Еске сала кетейік, Молдова билігі Кишинёв қаласындағы Ресей ғылымы мен мәдениетіне арналған орталықты, яғни «Орыс үйін» жабу туралы шешім қабылдады.