Қазақстан 34 млрд доллар сұраған халықаралық төрелік сотта Белавинді жеңді

Әділет министрлігі 1997 жылғы Қазақстан мен Қырғыз Республикасы арасындағы екіжақты инвестициялық келісім негізінде Евгений Белавиннің бастамасымен Қазақстан Республикасына қарсы Халықаралық сауда құқықтары жөніндегі комиссияның (United Nations Commission on International Trade Law) төрелік талқылауының тоқтатылғаны туралы мәлімдеді, деп хабарлайды Orda.kz.

Бұған дейін қырғызстандық инвестор Қазақстан билігін құқығын таптады деп айыптап, құзырлы органдардың нақақтан-нақақ іс қозғап, өзін қамап, компаниясын жауып тастағанын мәлімдеген болатын. Ол активтерінен айырылып шығынға батқанын айтты.

2025 жылғы 1 қыркүйекте БҰҰ жанындағы халықаралық төрелік трибунал төрелік талқылауды дереу тоқтату туралы шешім қабылдады.

Е. Белавинді трибуналдың және соттың барлық шығындарын төлеуге, сондай-ақ төрелік талқылау барысында Қазақстан Республикасы шеккен барлық шығындарды өтеуге міндеттеді.

Бұл ретте трибунал Қазақстан Республикасының ұстанымын толығымен қолдады және Қазақстанға қарсы заңсыз іс-әрекеттер туралы барлық айыптауларды қабылдамады.

Еске сала кетейік, жақында рақымшылыққа іліккен Жомарт Ертаев бостандыққа шықты.