«Қазақмыстағы» ереуіл жалғасып жатыр: Басшылық кейбір талаптарды орындауға келісті

Сәтбаевтағы ереуіл жалғасуда, дегенмен басшылық кеншілердің кейбір талаптарын мақұлдады, деп хабарлайды Orda.kz. 

Бұған дейін қызметкерлер жалақыны көтеруді талап еткен еді. Оның ішінде Оңтүстік Жезқазған кенішінде жұмысшылар жалақыны 2 есе көтеруді сұрады. Жұмысшылар жұмыс уақытын автобусқа отырғаннан бастап есептеуді, ақысыз еңбек демалысына жіберуді жеңілдетуді сұрап отыр. Сондай-ақ олар жұмысқа қажет құрал-сайманның тозғанына да наразы. 

Корпорация төрағасы Нұрахмет Нұриев бригадирлермен кездесті. Кездесу барысында 13-жалақыға 30% үстемақы қосу талабы қанағаттандырылды. 

Бұдан бөлек, жалақыны көтерудің екі нұсқасы ұсынылған. Біріншісі — жалақы мөлшерін 8,5% көбейтіп, жылдық жоспарда 4 рет 50 АЕК мөлшерінде сыйақы тағайындау. Ал екінші нұсқа — жалақыны 15,6%-ға индекстеу.

Ереуілге шыққан кеншілермен компания арасындағы келіссөздер әлі жалғасып жатыр.