Қазақ футболшысының голы Еуро-2024 іріктеуінде үздік деп танылды

Жанкүйерлер футболдан Қазақстан ұлттық құрамасының жартылай қорғаушысы Асхат Тағыбергеннің Даниямен өткен ойында 2024 жылғы Еуропа чемпионатының іріктеу кезеңіндегі ең үздік голына дауыс берді, деп хабарлайды Orda.kz.

УЕФА техникалық бақылаушылары Еуропалық іріктеу кезеңіндегі үздік 10 голды анықтады, содан кейін жанкүйерлерге дауыс беру мүмкіндігі берілді.

УЕФА техникалық бақылаушылары Тағыбергеннің алыс қашықтықтан соққан күшті голын 8-ші орынға орналастырды, дегенмен ол жанкүйерлердің дауысын жеңіп алып, қатарластарын басып озып кетті. 2 және 3 орындар Албания құрамасының ойыншылары – Ясир Асани мен Кристжан Асланидің голдарына бұйырды.

Естеріңізге сала кетейік, Қазақстан құрамасы Еуро-2024 турниріне тікелей жолдама ала алмады. Команда іріктеу тобында 4-ші орын алды, одан Дания мен Словения құрлықтық турнирдің финалдық кезеңіне жолдама алды.