Каспий жағалауында қамыс жанып жатыр: Атыраудағы өрт әлі ауыздықталмады

 Өрт сөндірушілер теңіз жағалауындағы өртке қарсы күресті жалғастырып жатыр, деп хабарлайды Orda.kz.

Қаланың түрлі аудандарынан, соның ішінде көпірден, жағалаудан будақтаған қою түтін көрінеді. Түтіннің иісі ауаға тарап, орталыққа және қаланың барлық аудандарына дейін жетті. Қала тұрғындары қолқаны қапқан жағымсыз иіске, тыныс алудың ауырлығына және пәтерлерді желдету мүмкін емес деп шағымданды.

Өрт 1 мамырда сағат 18: 30-да басталды - Тасқала ауылынан 40 шақырым жерде төрт өрт ошағы анықталды.

«Содан бері өрт сөндіру жұмыстары тоқтатылған жоқ. Операцияға 101 адам мен 21 техника қатыстырылды»,  деп хабарлады Атырау облысының ТЖД. 

Тығыз және биік өскен - екі жарым метрге дейінгі өсімдіктер, батпақты жерлер мен күшті жел өртті сөндіруде қиындық тудырып жатыр, салдарынан өрт тез жайылып  кетті.

«50 гектарға жуық жанып жатқан қамыс оқшауланды, тағы 400 гектарда от өздігінен өшіп қалды. Өрттің жалпы ауданы анықталады».

Қазір елді мекендерге қауіп жоқ, қалған жерлердегі өртті сөндіру жалғасуда.