Қаскелеңде тұтқынды жіберіп алған полицейлер жұмыстан қуылды

Қаскелеңде күдікті ретінде ұсталған азаматты жіберіп алған полиция қызметкерлері жұмыстан қуылып, үстерінен қылмыстық іс қозғалды, деп хабарлайды Orda.kz.

Бұл туралы Мәжіліс отырысында Ішкі істер министрлігінің орынбасары Игорь Лепеха растады.

«Әзірге біз оны іздеп жатырмыз. Біздің қызметкерлердің немқұрайлылығына қатысты іс қозғалды», – деп мәлімдеді Лепеха.

Айта кетейік, Алматы облысы Қаскелең қаласында зорлау фактісі бойынша кінәлі деп танылған айыпталушы сот кезінде қашып кеткен болатын. Қылмыскер сот мекемесінің алдында тұрған көліктен секіріп және кісенін шешіп, ізін суытып үлгерді.