Қаржылық мониторинг агенттігі Жаңабыловтар отбасын өз бақылауына алды

Қаржылық мониторинг агенттігі БАҚ өкілдерінің жазбасынан кейін оларды өз бақылауына алғанын мәлімдеді, деп хабарлайды Orda.kz.

Syrmedia телеграм-арнасына шыққан Жаңабыловтардың ұйымдастырған ұтыс ойыны туралы жазбасынан кейін ҚМА оларды өз бақылауына алды.

19 тамыздағы роликте ерлі-зайыптылар жай ғана репост жасау арқылы жазылушыларға 11 көлік сыйлайтынын мәлімдеген болатын. Ал 21 тамызда нәтижелерді хабарлайтын тікелей эфирдің орнына блогерлердің Instagram Stories-інде құны 30 мың теңге тұратын «Zhana Business» ақылы курсының сайтына сілтеме пайда болды.

«Бірақ шын мәнінде, автокөлік ұтысына қатысу үшін адамдар оқу ақысын төлеуі керек» деп жазды телеграм-арна.

Материалдар әрі қарай қарау үшін ҚР МТС Ойын бизнесі және лотереяларды реттеу комитетіне жіберілді.