Қару-жарақ зауыты жарылып, 12 адам ажал құшты

cover Фото: Видеодан алынған кадр

Түркияның солтүстік-батысындағы Балықесір қаласында жарылғыш заттар шығарататын зауыт цехында жарылыс болды, деп хабарлайды Orda.kz.

Қайғылы оқиға салдарынан 12 жұмысшы мерт болды. Зауыт қаланың Каваклы ауданында орналасқан. Мәліметтерге сүйенсек, әскери қару-жарақ шығаратын зауыттың капсула жасайтын цехы жарылған. 

Жергілікті биліктің мәліметінше, жарылыс бүгін, 24 желтоқсан күні таңғы сағат 08:25-те болған. Балықесір губернаторы Исмаил Устаоглу оқыс оқиғадан қаза тапқандардың бәрі жұмысшылар екенін айтты.

«Алдын ала мәлімет бойынша, жарылыс салдарынан 12 жұмысшы мерт болып, үш жұмысшы жараланды. Олар ауруханаға түсті. Өртті сөндіріп жатырмыз», - деді өңір басшысы. 

Оның айтуынша, жарылыстан капсула шығаратын цех ғимараты опырылып түскен. 

Жаңалықтар

барлық жаңалықтар