Қарағандының ЖЭО-ры қысқа дайын ба? Энергетика министрлігі 44 миллиард теңгеден астам қаржы құйды

Энергетика министрі Ерлан Ақкенженов Қарағанды облысына жұмыс сапарымен барып, 2025–2026 жылғы жылыту маусымына дайындық шеңберінде өңірдегі ірі энергетикалық нысандардың жай-күйін жеке өзі тексерді, деп хабарлайды Orda.kz.

Министрдің айтуынша, бұл жолы негізгі көңіл нақты жағдайға бөлінді – тексеру тек қағаз жүзіндегі есептер бойынша емес, нысандардың өзінде жүргізілді.

«Топар» ГРЭС-інде министр жаңа турбоагрегатты орнату жұмыстарының аяқталу барысымен танысты. Бұл агрегат тамыз айында іске қосылады деп жоспарланған. Сонымен қатар стансада жаңа күл үйіндісі мен қызметкерлерге арналған тұрғын үй салынып жатыр.

«Кармет» ЖЭО-2-де өңірде көптен күткен жетінші қазандықтың іске қосу-жөндеу жұмыстары аяқталуда. Ал Шахтинск жылу электр орталығы, министрдің айтуынша, тұрақты жұмыс істеп тұр.

«Бүгінгі таңда тек мәселелерді атап өтіп қана қоймай, адамдардың өмір сапасына нақты әсер ететін нәтижелерді көру маңызды», – деді Ерлан Ақкенженов. 

Инвестиция ретінде «Топар» ГРЭС-іне 2025–2026 жылдары жалпы 34,6 млрд теңге бөлінген.
Жылу желілерін жаңғыртуға 10 млрд теңгеден астам қаражат бағытталған.

Басым жобалар қатарында Жезқазғанда қуаттылығы 75 МВт болатын бу-газ қондырғысын салу көзделген. Бұл жаңа нысан қаладағы электр энергиясы тапшылығының бір бөлігін өтеуге тиіс.

Айта кетейік, 2024 жылғы ақпанда Қарағандының жылу желілері сын көтермейтін жағдайда болып,  олардың жартысынан көбі шұғыл жөндеуді қажет етті. Артынша Роман Скляр Қарағанды ​​және Теміртау қалаларындағы жылумен қамту көздеріндегі  жөндеу жұмыстарының барысымен танысты. 

Жақында ЖЭО-ның қарызға салынып, тариф арқылы халықтың мойнына ілінетіні нақтылана түсті: бұған АЭС-тің қандай қатысы бар? Ол туралы  мына жерден оқыңыз. 

Қазақстандық БАҚ-та еліміздегі алғашқы атом электр станциясын Қытай салады деген ақпарат тарады. Қытайдың ұсынысы ең тиімді баға ретінде көрсетіліп отыр. Алайда  энергетика саласының сарапшысы бұл мәселе соншалықты қарапайым емес екенін айтты.