Қарағандыда полиция бекетіндегі қыздың өлімінен кейін полицейлер қызметінен босатылды

Полиция бөлімінің бастығы Михайлов, оның қызмет жөніндегі орынбасары және учаскелік полицейлер жұмысын қадағалаған орынбасары қызметтерінен босатылды. Сонымен қатар Қарағанды полиция басқармасындағы бірнеше басшы тәртіптік жазаға тартылып, сөгіс алды, деп хабарлайды Orda.kz.

Еске сала кетсек, оқиға 29 қыркүйекке қараған түні болған. Майор өз танысын тірек пунктіне шақырған. Бұған дейін де ол қызды түнгі кезекшілік кезінде жұмысына ертіп әкелген.

Келесі күні, 30 қыркүйекте, аға учаскелік инспектор қыздың мәйіті мен ес-түссіз  үстел басында отырған әріптесін тапқан. Дәрігерлер ер адамды аман алып қалды, қазір ол ауруханада жатыр.

Еске сала кетсек, қазан айының басында Қарағандыда полиция бекетінде ес-түссіз жатқан майордың қасынан жалаңаш қыздың мәйіті табылған еді.