Қарағанды облысында мешіт отқа оранды

Қарағанды облысында мешіт жанып кетті, деп хабарлайды Orda.kz.

1karagandy.kz мәліметінше, жергілікті тұрғындар құтқарушылар келгенге дейін жалынды сөндіруге тырысты, бірақ олардың күші жетпеді, ал ең жақын өрт сөндіру бөліміне дейін 130 шықырым бар.

«6 қаңтарда Қарқаралы ауданындағы Томар ауылында ауданы 165 шаршы метрлік бір қабатты мешіттің ағаштан жасалған шатыры, есік-терезесі өртенді. Өрт себебі анықталып жатыр», деп хабарлайды Қарағанды облысының ТЖД баспасөз қызметі. 

Өрттен ешкім зардап шеккен жоқ.