Қайрат Сатыбалды толығын өз кінәсін мойындады

Астана қаласының қылмыстық істер жөніндегі ауданаралық сотында өткен басты сот отырысында экс-президент Нұрсұлтан Назарбаевтың немере інісі Қайрат Сатыбалдыұлы өз кінәсін толық мойындады.

Жиында прокурор айыптау қорытындысын жариялады. Сатыбалдыға Қазақстан Республикасы Қылмыстық кодексінің 218-бабының 3-бөлігінің 3-тармағы (Қылмыстық жолмен алынған ақшаны және (немесе) өзге де мүлікті заңдастыру) бойынша айып тағылуда.

Айыптау қорытындысы жарияланғаннан кейін судья Бағлан Ыдырысов Сатыбалдыұлының тағылған айыпты мойындауын сұрады.

«Құрметті сот, толық мойындаймын»,- деп жауап берді Қайрат Сатыбалды.

Сатыбалды да айыптау актісінде көрсетілген сомалармен келіскен. Сондай-ақ тергеу барысында алынған айғақтарды даулаудан бас тартты.