«Қайрат» Миланда «Интерге» есе жіберді

Милан түні қазақстандық жанкүйерлерге ұмытылмас әсет сыйлады. «Қайрат» жеңілсе де, ел тарихындағы ең әсерлі матчтардың бірін өткізді, деп хабарлайды Orda.kz.

5 қарашадан 6 қарашаға қараған түні Миланда Чемпиондар лигасының төртінші тур ойыны өтті. Қазақстандық «Қайрат» әлемнің алпауыт клубтарының бірі — «Интерге» қарсы шебер ойын көрсетті. 

Алғашқы тайм соңында аргентиналық шабуылшы Лаутаро Мартинес «Интердің» есебін ашты. Бірақ екінші таймда «Қайрат» бұрыштан берілген допты сәтті пайдаланып, жауап қайтарды: қорғаушы Офри Арад баспен соққы жасап, қақпаны дәл көздеді. Бұл сәт қазақстандық жанкүйерлер үшін нағыз қуанышқа айналды.

Алайда 67-минутта Карлос Аугустоның голы италиялықтарға жеңісті алып берді. Осылайша матч 2:1 есебімен аяқталды.

Төрт тур қорытындысы бойынша «Қайраттың» еншісінде бір ұпай бар — ол өз алаңындағы «Пафоспен» (0:0) өткен кездесуде алынған. Ал «Интер» төрт ойыннан кейін 12 ұпай жинап, топтың көшін бастап тұр.

Сонымен қатар, қақпашы Темірлан Анарбековтың қарымды сейвтері ерекше көзге көрінді. Анарбеков көптеген қауіпті сәттерде жылдамдық пен қырағылымен жанкүйерлердің ерекше ықыласына бөленді. Ол Чемпиондар лигасындағы көп гол жібермеген үздік үш қақпашының қатарына енді.

Келесі ойын 26 қарашада өтеді — «Қайрат» Данияның «Копенгаген» клубына қарсы бақ сынайды.

Айта кетейік, Миландағы матч билеттері Алматыдағыдан шамамен бес есе арзан болды әрі үш мыңға жуық жанкүйер «Қайратты» қолдауға келді.