Іздеудегі азамат көмір тиеген вагонмен Павлодардан Ресейге өтіп кетпек болды

Рецидивист, заңсыз иммигрант жүк пойызына тиелген  көмірдің арасына тығылып Ресейге өтіп кетпекші болған. Шекарашылар оның «қазбалы байлыққа» ұқсамайтынын тез анықтап, Алтай аймағында ұстады.

Іздеуде жүрген 34 жастағы ер адам көмірі бар жүк пойызына тығылып Ресейге өтпек болды, деп хабарлайды SHOT Telegram арнасы.

Шекарашылар Алтай аймағында іздеуде жүрген қашқынды қолға түсірді. «Құлынды» өткізу бекетінде кедендік бақылау кезінде ол көмір үйіндісі астынан табылды. Анықталғандай, ер адам соттан құтылу үшін Ресейге қашып кетпекші болған. Ол Қазақстанда іздеуде, сондықтан оған Ресей Федерациясы аумағына заңды түрде кіруге тыйым салынған.

Енді «көмір жамылған» қашқынға Ресей Федерациясы мемлекеттік шекарасын заңсыз кесіп өткені үшін сотталып,  Ресей түрмесінде 4 жылын өткізеді.