Италияда XIV қысқы Паралимпиада ойындары ашылды

Салтанатты ашылу рәсімі Верона қаласындағы тарихи арена — ежелгі рим амфитеатрында өтті. Шамамен 12 мың көрермен сиятын бұл нысан көне сәулет ескерткіштерінің бірі саналады, деп хабарлайды Orda.kz.      

Ашылу салтанатында Қазақстан туын парашаңғышы Нұрлан Әлімов алып шықты. Бұл — қазақстандық спортшының Паралимпиада ойындарына алғаш рет қатысуы.

Жалпы жарысқа әлемнің 56 елінен 600-ден астам спортшы қатысады. Қазақстан құрамасы екі спорт түрі бойынша бақ сынайды: парабиатлон және парашаңғы жарысы.

Ел намысын Ербол Хамитов, Александр Герлиц, Сергей Усольцев, Юрий Березин, Нұрлан Әлімов, Анна Грачёва және Владислав Кобаль қорғайды.

2026 жылғы қысқы Паралимпиада ойындары Милан мен Кортина-д’Ампеццо қалаларында өтіп жатыр. Ойындар 10 күнге созылады, ал жабылу салтанаты 15 наурызда өтеді.

Оқи отырыңыз:

• Олимпиада-2026: Қазақстан құрамасы шаңғы акробатикасынан жетінші орын алды
• Олимпиада-2026: Михаил Шайдоров «Кунг-фу панда» образында, Джеки Чан арнайы келді
• Америкалық БАҚ: Шайдоровтың жеңісі — Олимпиаданың ең ірі сенсациясы