Ирандағы соғыс жағдайына байланысты әлемдік нарықта мұнай бағасы өсе түсті

Демалыстан кейінгі алғашқы сауда-саттықта мұнай бағасы бір баррель үшін 20 доллардан аса қымбаттады және $110-нан жоғары деңгейде тұрақты саудаланып отыр, деп хабарлайды Orda.kz.      

Қазіргі уақытта Brent маркалы мұнайдың бір баррелі $115, ал Батыс Техас аралық бағасы $114 деңгейіне жетті. Мұнай бағасының күрт өсуі өткен аптада АҚШ пен Израильдің Иранға ашқан соғысына байланысты күрт көтеріліп отыр.

Ал АҚШ президенті Дональд Трамп Иранның «ядролық қатері» жойылған жағдайда мұнай бағасы тез арада төмендейді деп есептейді. Бұл туралы ол өзінің Truth Social әлеуметтік желісінде жазды.

«Иран тарапынан туындап отырған ядролық қауіп жойылғаннан кейін мұнайдың қысқа мерзімді бағасы тез төмендейді. Бұл — АҚШ пен бүкіл әлемнің қауіпсіздігі үшін төленетін өте аз ғана құн», деп атап өтті ол. 

Көптеген БАҚ сауда деректеріне сүйеніп, Brent маркалы мұнайдың бір баррелінің бағасы 2022 жылдың шілдесінен бері алғаш рет 110 доллардан асқанын хабарлады.

«Дүйсенбі күні сауда-саттық ашылған кезде Brent маркалы мұнайдың мамыр айындағы фьючерстерінің бағасы 110 доллардан жоғары болды» деп жазылған хабарламада. 

Қазақстан уақыты бойынша сағат 03:58-дегі мәліметке сәйкес, көрсеткіш 108,62 доллар деңгейінде болды. Бұл да алдыңғы жабылу бағасымен салыстырғанда 17,19 пайызға жоғары.

Ал британдық Financial Times басылымы трейдерлерге сілтеме жасап мұнай саласы тарихындағы ең ауыр дағдарыстардың бірімен бетпе-бет келіп отырғанын жазды. Таяу Шығыстағы көптеген елдер мұнай өндіру көлемін қысқартып жатыр, кейбірі кен орындарын мүлде жабуда.

Қақтығыстың ушығуы аясында Ормуз бұғазы арқылы өтетін теңіз тасымалы іс жүзінде тоқтап қалды. Қауіпсіздік қатерінің артуына байланысты сақтандыру компаниялары сақтандыру жарналарын көтеріп, сақтандыру шарттарын қайта қарастыра бастады.

Ормуз бұғазы — Парсы шығанағындағы елдерден әлемдік нарыққа жеткізілетін мұнай мен сұйытылған табиғи газ тасымалының негізгі бағыты. Әлемдегі мұнай, мұнай өнімдері және сұйытылған табиғи газ жеткізілімінің шамамен 20 пайызы осы бағыт арқылы өтеді.

Кеше Kувейт пен Біріккен Араб Әмірліктері мұнай жеткізіліміндегі қиындықтарға байланысты өндірісті қысқартатынын мәлімдеді. Бұл қиындықтар Ормуз бұғазы арқылы мұнай тасымалдаудағы соғыс салдарынан болған қиындықтарға байланысты.

Оқи отырыңыз:

• Таяу Шығыстағы жағдайға байланысты мұнай бағасы көтеріліп барады
• Таяу Шығыстағы қақтығыс салдарынан мұнай бағасы 200-300 долларға дейін көтеріледі
• Ормуз бұғазы маңында шамамен 1000-нан астам кеме тұралап тұр
• Қазақстан үшін «мұнайдан жеңіл табыс» дәуірі аяқталды — саясаттанушы